Monday, November 28, 2011

සඳ දිය සිත්තම.





සඳ දිය දහරින් නැහැවී ගිය සඳ

මාගේ හදවත පළමු වතාවට

සසර පුරා ඔබ සෙව්වේ මාවද

කියා දෙන්න මට සබඳ දයාබර


සිත්තම් මැව්වා මා හද උයනේ

සිසිලස පිදුවා සීතල අරණේ

කෝමල වදනින් සිත්විල තෙමුනේ

ආදරයක සුව හද තුල මැවුනේ


කාලය ගෙවුනේ අපටත් නොදැනිම

වෙන්වයන්න අප අපටත් අහිමිව

නොසිතූ ලෙස සරදම් කල දෛවය

තාමත් මග බලමින් ඇති දෙතැනක


කියා දෙන්න අපහට සසර කෙටිම මග

සමිඳුනි එතෙරට යන්න පාර සදන්නට

බැදීම අතහැර පතා නිවන් සුව

කිමිදී ලබනට දහම් අමා රස