Wednesday, June 29, 2011

ආදරය!




ආදරය පිරුන අපේ
පුංච් අතු පැලේ

අග හිග දැනුනත්
සතුට්න් හිනාවෙයන්
මගෙ කිරිල්ලියේ

එක පැදුරේ සැතපීලා
ඉන්න සොදුරියේ
එක බත ් පත එකට අනා
කුස පුරවා හිදිමු මගෙ පී‍්‍රයේ
පැල පුරා පිරුන සොදුරු බවින්
හිත පිරෙයි මගේ

සෙනෙහස මහ මෙරක්
වගේ දැනෙයි කුමරියේ
ලොව සනහා සෙනෙහස්
ගඟ ගලාවී රැයේ
සද දිය දහරින් නැහැවී
ගිලෙමු පෙම් දියේ.

චාන්දි

Monday, June 27, 2011

ඔබ!





සුවඳ පිරුනු ඔබෙ කුටියට ආවා
සුන්දර වසන්තයේ
ඔබෙ පාමුළ මා හදවත පිදුවා
මේ මල් යෞවනයේ
මගෙ මුළු දිවියම කැප කරලා
ඔබ ගේ මාළිගයේ
නැලවී යන්නට සැමදා පැතුවා
මේ පෙම් ඕවිල්ලේ

මවක උනා මට පියෙකු වුනා ඔබ
හැමදා අදරින් මා රැක ගත් නුබ
මා හිස අතගා ඔවදන් දුන් ඔබ
පහන් ටැඹයි මගෙ ජීවිතයේ ඔබ

මම ඔබේම වූවා තරුකඩා
හැලෙන ඒ රාති‍්‍රයේ
දරු සුරතල් මැද දිවිමග ගෙවුනා
කාලය ඉගිල ගියේ
සුන්දර මතක පෙළක් රඳවාලා
අපේම ආදරයේ
සොඳුරු කැදැල්ලක හිමිකාරිය වී
නුබේම රජ දහනේ
සැනහීයන් නුබ සසර පුරාවට
පින් ලැබ මා සිත් යහනාවේ

Monday, June 20, 2011

වසන්තය!





ඈත දුරුරට සීත හිම මැද

හිමි ඔබ ළඟ මා නොමැතිව අද
පාළු යහනේ අවදියෙන් හිද
ඉදි කඩුලූ පැන මගේ මැදුරට
ගතේ උනුසුම නිවාලන්නට
දැන් දැන් එතැයි ඔබ
නිබඳ මා සිත දවන වෙලාවයි
නිදි යහනේ නම් හිමියනේ ඔබ
සොඳුරු යහනට වඬින වෙලාවයි



දෑසමන් පෙති විසිරිලා
නීල තණ මත පැටලිලා
පිනිපොකුරු මල් පාවඩ මතින්
මිහිමත බැස උන් තරු කුමාරිකාවන්
අත් පටලා පිය මනින වෙලාවයි
නිදි යහනේ නම් හිමියනේ ඔබ
මේ රැයේ මා ඔබ අසලමයි



සඳ කැන් වැට්ලා නිල් දිය මත්තේ
පෙම් හැඟුම් රඟනා වෙලාවයි
සීත දියරැළි මිහිකත සනසා
වෙරළත සිඹිනා සොඳුරු වෙලාවයි
නේක කුසුම් සුවඳින් හිත පිරිලා
හද කිති කවනා රාත්‍රියයි
නිදි යහනේ නම් හිමියනේ ඔබ
හද යහනාවට දැන්ම වඬින්නයි



සඳකැන් වැට්ලා ගෙපිල පුරාවට
සුන්දර වියමන් අඳින වෙලාවයි
රෑ මනමාලී සුවඳ මැදින් මම
ඔබේ සුසුමන් සොයන වෙලාවයි
ඔබ අවදියෙන් නම් මේ රැයේ
රෝස යහනට වඬින්න දෙවියෝ
මේ අපේ සොඳුරුම වසන්තයයි



චාන්දි.

Sunday, June 19, 2011

බිඳුණු බිළින්දා පොත ගැන.

පහුගිය සති අන්තයේ කෑගල්ලෙ නැන්දලාගෙ ගෙදර ගියා. එහෙදී බාසුරු මල්ලිගෙ පොත් රාක්කයෙ තිබිලා බිඳුණු බිළින්දා නම් පොත හමූවුනා. ( “Damaged” Written by CATHY GLASS ) පිට කවරයේ කතාව කියෙව්වම මට පොත ඉල්ලා ගෙන කියවන්නට හිතුනා. පොතේ ලේඛිකාව කැතී ග්ලාස් නම් වූ බ්‍රිතාන්‍ය ජාතික කාන්තාවක් . පරිවර්ථනය දිලීප ජයකොඩි මහතාගෙ. මෙය මගේ හද සසල කලේ මමත් කැපකරු මවක් ලෙස කාලයක් දරුවන් තිදෙනෙකුටත් , අප පවුලට සම්බන්ධ අපගේ සේවක සේවිකාවන්ගේ දරුවන්ට අදටත් අසීමිතව දයාවෙන් පිහිට වෙන නිසාද, කියල කියන්නට දන්නේ නැහැ. කොහොම උනත් මෙය මගේ හදවත අතිශයින්ම කම්පා කල කතාවක් බව කියන්නම ඕනෙ.

පොතේ පසුපිටේ ලියා තිබුනේ, ඔබ විස්වාස කරන්න. අකමැති වුවත් විස්වාස කරන්න. ළදරු වියේ සිට අට වසරක් යනතුරු තම පියා, මව හා තවත් වැඩිහිටි ගැහැනු, පිරිමි රැසක් විසින් ලිංගික අපහැරණයෙහි යොදා ගන්නා ලද කුඩා දැරියකගේ හද කම්පාකරවන අනුවේදනීය අමිහිරි සත්‍ය කතාවයි මේ. මේ ඇගේ කතාවයි. අට හැවිරිදි ජෝඩි බ්‍රවුන්ගේ කතාවයි.

අනේ මේ අසරණියට මේසා දුක් වේදනා දුන් පාපතරයන්ට සාපම වේවා කියමින්ම තමයි පොත කියවන්නට ගත්තේ. අපේ රටේත් මෙවන් දේ නැතිවා නෙමෙයි. නමුත් බටහිර සමාජවල මෙවන් තත්ව බහුලව සිදුවන බව අපි අසා තිබෙනවා නේ.

වචනයේ පරිසමාප්තියෙන්ම ඇයට මවකවූ කැතීට හදපිරි හර්ද්යාංගම ස්තූතිය මුලින්ම පිරිනමන්නට ඕනේ. අම්මා යන වචනයේ නියම අරුත ලොවටම කියාදෙමින් ඇයගේ පවුලේ දරුවන් සැමගේ සියලු දුක් කම්කටොළු උහුලමින් තමන් භාරයට ගත් ජෝඩිට තම ලමා කාලයේ සුන්දරත්වය නැවත ලබාදෙමින් කටයුතු කල ඇය ගැන ඇතිවුනේ අසීමිත පැහැදීමක්. මලක් වගේ පිපෙන්නට සිටි ජෝඩිගේ මුලු ලමා කාලයම විනාශ කරදැමූ පාපිශ්ඨයන්ට දියයුතු දඬුවම කුමක්දැයි මට සිතාගත නොහැකියි.

ජෝඩිගේ ලමා කාලය නොසලකා හැරීම් හා ජුගුප්සාජනක සිදුවීම් මාලාවකින් සමන්විත වූවකි. ඇයට තම කාලය ශ්රමය කැප කරමින්, නිසැකයෙන්ම ඇයට අවශ් ආදරය රැකවරණය ලබාදෙමින් ඉවසීමෙන් ඇයට ලෝකය පෙන්වූ ඇගේ කැපකරු මව වන කැතී ග්ලාස් නම් වූ මේ කැපකරු මව ඇගේ පෙර ආත්මයක මව වී සිටින්නට ඇතැයි මට සිතේ.

අප මේ සංසාරයේ කොපමන දරුවන් වදා ඇත්ද? මේ හැම දෙනෙක්ම තම දරුවෙකු ලෙස ලෝකයා දකින්නේ නම් මෙවන් අපරාද කිසිදා ලොවේ සිදුනොවනු ඇත.

අප කාලයක් ජීවත්වූ අප්රිකාවේ අපි දරුවන්ට බොහෝසේ ආදරය කලෙමු. අනුකම්පා කලෙමු. ලංකාවට පැමිණි පසු අප ව්යාපාරය හොද තත්වයකට විගසින්ම දරුවන් තිදෙනෙකුට කැපකරු මාපියන් වීමු. එක් දරුවෙකු මහියංගනයේ රිදී මාලියැද්ද නම් ගමේ. ඔහු හැදුනේ වැඩුනේ මාමා එනෙකුගේ සෙවනෙහිය. ඇනෙක් පුතා මාතලේ ප්රදේශයේය. ඔවුන් දෙදෙනාම අද ඉලංදාරි වයසේ යහපත් දරුවන් වීම ඉමහත් සතුටකි.

අනෙක් දැරිවිය අපට ලැබෙන්නේ රත්නපුර, පැල්මඩුල්ල- ඉද්ද්මල්ගොඩිණි. ඇය හොදින් උසස් පෙළ දක්වා ඉගෙන විවාහවී අද එක්දරු මවකි. ඔවුන් හැම දෙනාම යහපත් ජීවිත ගෙවති. තවත් රංග, හා උක්කු නම්වූ දරු දෙදෙනාටද යහපත් ලොවක් තනා දීමට හැකිවීම ගැනද, මට ඇත්තේ කිව නොහැකි සතුටකි. බබී අද එක් දරු මවකි. මේ හැම දෙනෙක්ම අපට අදද ආදරය දක්වති, ගරුකරති. දරුවන් මල්වැනිය. ඔවුන් පිබිදෙන්නේ දෙමාපියන්ගේ ආදරයේ හිරු කිරණින් බව අමතක කල නොහේ.

මට කැතීට මෙන් දරුවන් බලා ගැනීමේ ප්රශ්ණයක් නොවිණි. මන්ද සියලුම දරුවෝ හැදුනේ වැඩුනේ ඔවුන්ගේම මාපිය සෙවනේ බැවිනි. අප කලේ වියහියදම් දැරීමත්, අවවාද අනුසාසනා ලබාදීමත්ය.

කැතී, මෙම දැරිවිය ගේ මානසික තත්වයටද ප්රතිකාර කිරීමට උත්සහගත් හැටි පුදුම සහගතය. විටෙක ඇගේම දරුවන්ගේ දෝෂාරෝපනයන්ට ඇය ලක්වෙයි. ගැහැට සියල්ල විඳදරා ගෙන ඇය පිහිට වන්නේ කාලයක් ගැහැට, අතවරයන්ට මුහුණදී හෙම්බත්ව සිටි ජෝඩිටයි. මෙවන් මවක ලැබීමට ජෝඩි බොහෝ පින් රැස් කර තිබෙන්නට ඇත.

දිලීප ජයකොඩි නම්වූ පරිවර්ථක මහතා ගැන වදනක් නොලීවොත් එය මහත් අඩුවකි. ඔහුගේ පොත එක හුස්මට කියවාගෙන යත හැකි සරල සුගම භාෂාවකින් ලියන ලද නිසාම පොතේ ආකර්ෂණය පාඨකයා ඇද බැඳ තබා ගැනීමට සමත් වී තිබේ. මා මෙන්ම අනෙක් මව්වරුන්ද මේ කෘතිය පිළිබඳව ඔහුට තුති පුදනු නියතය.

ඔබටද හැකිවිටෙක මෙම පොත කියවන්න. එය ඔබට අපූරු අත්දැකීමක් වනු ඇත. ජෝඩි ගැන විස්තර ලියන්නට අපමණ දේ මට තිබුනත් සියල්ල සඳහන් කල නොහැක. ජෝඩිගේ මතු දිවිය වාසනාවන්ත වනු දැකීම මගේද පරම පැතුමයි.

Thursday, June 9, 2011

මිහින්තලාවේ පොසොන් උදාවේ !



වෙසක් සඳේ සුදු සඳරැස් වියකී යනවා
පොසොන් මහේ අළුත් සඳක් අඹරෙ දිළෙනවා
අනුබුදු හිමියන් මෙත පා ලක්බිමට වඬිනවා
ලක්මෑණිට එදා පටන් දහම් සිසිල ලැබෙනවා

සැම සිත් තුල මෙත් කරුණා පිරී ඉතිරිලා
මුදිතා ගුණයෙන් යුතුවම දිවිය ගෙවනවා
මිහින්තළාවේ ගල් පඩි හෙමින් නගිනවා
නිවන් පුරට යන සුන්දර පාර සොයනවා

රත්නමාලි සෑ කොත අර ඈත දිලෙනවා
ජේතවනය සුදු පාටින් අර බබළනවා
මහමෙව්නාවේ පිරිතෙන් හද සැනසෙනවා
රහතුන් සැම සිරිලක් බිම විසිරී යනවා

ලොව උපදින ලොවෙන් මිදෙන මග හෙලිකරවා
සසර කතර දුක නැති කර ගමන නිම කළා
සාදු! සාදු! අපි ගෞතම බුදුන් වඳිනවා
සාදු! සාදු! අපි අනුබුදු හිමිත් වඳිනවා

චාන්දි.