Wednesday, February 1, 2012

ආදරිය!



මගේ නෙතුපිය යටම සැඟවී

සොයා සෙනෙහස යදීවී

ලමැද යහනේ සුවෙන් සැතපී

හිදින්නේ නුඹ ආදරී


මල් පෙත්තක සුමුදු මතුපිට

නාදල්ලක සිනිඳු දෙතොළඟ

ගලන ගඟුළක සිසිල් දහරක

දැනුණි ඔබගේ පහස මට අද




ඈත අහසේ පියා සලනා

රන් සමණළ සිනිදු තටුවක

පාට දේදුණු ඈත අඹරේ

නැගී සරනට මහද ආකාසේ




17 comments:

සයුරි said...

ආදරණිය කවි පෙළක්...

ගල්මල්-Coral said...

සෙනෙහසින් උතුරන පදපෙළක්, ලස්සනයි අක්කේ.

මිනිසුන්ගේ සැහැල්ලු නිදහස් ගතිපැවතුම් ගැන කියද්දී කුරුල්ලා කිරිල්ලිය වගේ කීවත් කුරුළු ලෝකයේ එකිනෙකා අතර ඇති බැඳීම කැපවීම නම් පුංචි පක්ෂියාට වඩා ගොඩාක් ලොකුයි කියනවා. යුවලින් කෙනෙකු ජීවිතාක්ෂයට පත්වූ විට අනෙකා තනිපංගලමේ ජීවිතයේ ඉතිරි කාලය ගෙවනවා කියන්නේ.

arunishapiro said...

චාන්දි අක්කා ගෙන් දයාවෙන් පිරිච්ච ලස්සන පුංචි පද ටිකක් කියෙව්වම හිතත් පිරිලා යනවා! ස්තූතියි ගොඩාරියක්.

ලහිරු said...

ලස්සනයි... හරිම හෘදයාංගම බවක් දැනෙනවා!

Chandi said...

@ සයුරි,
බොහොම ස්තූතියි නංගියා. හැමදාම ඇවිත් වදනක් ලියන එක හරිම වටිනවා මට.

Chandi said...

@ ගල්මල්,
ඒක ඇත්ත මල්ලී, දැන් අපි ඉන්න ගෙදර වත්තට හරියට එක් එක් වර්ගයේ කුරුල්ලන් එනවා. ඒ අය නිසා මගේ කාලයෙන් වැඩි කොටසක් එයාලත් එක්ක තමයි ඉන්නෙ. කොච්චර යාලුවෙලාද? කීවොත් මගෙ අතින් කෑම කන්න එක ගිරවෙක් පුරුදු වෙලා. කාලෙකින් දකින්න පුලුවක් කෑරලා, සැළලිහිනියා සහ සිවුරු හොරෙක් හිටන් ඉන්නවා.
ඒ අයගෙ ලෝකෙ සුන්දර වගේම අනතුරුත් ඒ වගේමයි. මගෙ වහලෙ ඉන්න කොබෙයියගෙ බිත්තර අපි බලා ඉන්නැත්දි එක පාරටම කාක්කෙක් අරන් ගියා. දෙපැත්තම තියෙනවා. බොහොම ස්තූතියි සටහනට.

Chandi said...

@ arunishapiro;
බොහොම ස්තූතියි නංගි. මේ ටිකේ මට කමෙන්ටුවක් වත් දාන්න බැරි උනා.

Chandi said...

@ ලහිරු ;
බොහොම ස්තූතියි මල්ලි. අද ඔන්න, ඔයාගෙ පැත්තට ආව. සටහන් ටික කියවලාම කමෙන්ටුවක් දාන්නම්. මේ දේ කරගෙන යන්න හැමදාම දිරිය ශක්තිය පතනවා සෙනෙහසින්ම.

ඊ මේල් කවිකාරි said...

ලස්සනයි

වර්ෂා.. said...

ගොඩක් ලස්සනයි නැන්දි..

Malisha said...

හරිම ලස්සන හිත නිවන පද පෙලක් අක්කා.

විමුක්ති said...

අදයිආවෙ මේපැත්තෙ..ලස්සනයි ගොඩක්

Chandi said...

බොහොම ස්තූතියි මල්ලි මේ පැත්තේ ආවට. ඔයාගෙ අඩවියටත් ගොඩවෙන්නම්.

Chandi said...

@ ඊ මේල් කවිකාරි:
බොහොම ස්තූතියි නංගි.

Chandi said...

@ වර්ෂා:
බොහොම ස්තූතියි දුවේ.

Chandi said...

@ Malisha ;
බොහොම ස්තූතියි නංගි.

වර්ෂා.. said...

මේ මගේ අලුත් බ්ලොග් එකට එන පාර. ඉඩක් තියේ නම් පොඩ්ඩක් ගොඩ වෙලා යන්න..
http://wehimandarama.blogspot.com/
-වර්ෂා..

Post a Comment