නෙත් අඳ යුවතියකගේ ආලය!
දෑස නොපෙනුනත් පෙර කල පවට හදුනා ගතිමි හිමියනි ඔබෙ ගුණ සුමට කණවැල අල්ලන්ට මා වැනි අයට දෙවියන් වැඩ සිටිති යලි මේ ලොවට හඳුනා ගතිමි ඔබේ හදවත නිමල නොපෙනුනත් මට ඔබෙ මුව කමල දැනේවී ඔබෙ යහගුණයන් නිබඳ වඳිනෙමි හදවතින් ඔබ පා කමල ඔබ පා යුග ගැටෙන හඩින් හඳුනමි ඒ ඔබම යැයි සැනින් සුවඳ පිරුන ඔබ හද කුටිය තුළින් විහිදෙයි හිමියනි ඔබ ගුණ හතර අතින් සේපාළිකා මල් සුවඳින් මත්වී සඳරැස් කාන්තියෙන් මුව තෙත්වී හද තුළ ඉතිරෙන සෙනෙහසිනී පිවිතුරු ආදරයක සුව විඳිනෙමි මිහිරී
