චාන්දිගේ සිතුවිලි උයන

  නෙතු පියන් යට ඉඳන් බලන හැම මොහොතකම මා ලඟීන්ම සිට මා රකින කෙනෙක් වේ නම් ඒ ඔබය කියන්නම් සෙනෙහසින් වෙන් උනත් යම් දිනෙක අත නොහැර යනු මැනවි මගෙ සුපෙම් හද මඬල මගෙ සයනයේ නුඹ සැතපිලා පැත්තකින් පිරිමඳින කෙහෙ රැළි අතර දුවන අතැඟිලි වලින් ආදරෙන් හිස සිඹින ඔබේ දෙතොල් පෙති අතරින් ගෙනෙයි මට නිතැතින්ම හද නිවන නිරාමිස සුවයක් තිස් හත් වසරක විවාහක දිවියතුල කියා දුන්නේ නම් යමක් ඒ තමයි ජීවිතය ඇසුවෝතින් කෙනෙක් කියන්නම් සෙනෙහසින් ඒ තමයි අප ආදරය දෙයක් වේ නම් මට ඉතිරි ඒ තමයි නුඹේ මහ විසල් ප්‍රේමය තියෙන්නෙත් මතක මැද නොවෙනස්ව බැබලෙමින් හද සනහාලන ආදරය 💅  චාන්දි. 

නිසල අරණේ පාලු හවසක නුඹ වෙන්ව ගිය වග දනිමි නුඹේ හුස්ම ඒ කලින්  දිනයක වාතලයට මුදා හැරිය බව කියමි නෑ සියන් හා දූ පුතුන් ඔබ අත් හැරියෙ කෙලෙසක දැයි සිතමි හදේ නැගෙනා හීන් රිදුමක සිරවෙලා නිති මා දවන බව දනිමි නිසල අරණේ පාලු හවසක නුඹ වෙන්ව ගිය වග දනිමි හදේ නැගෙනා හීන් රිදුමක සිරවෙලා නිති මා දවන බව දනිමි දුම් කවුළුවෙන් විත් නුඹේ සුසුමක් මා වටා දැවටී සුළන් රැල්ලක හිමින් එතිලා මගෙන් ඈතට විසිර යාවී නෑසියන් හා මගෙන් සමුගෙන එකිනෙකා සිප වෙන්ව යාවී හදේ සෙනෙහින් නිදන්ව ඇති මතක පොදි මැද මා ඉතින් තනි වේවී නිසල අරණේ පාලු හවසක නුඹ වෙන්ව ගිය වග දනිමි හදේ නැගෙනා හීන් රිදුමක සිරවෙලා නිති මා දවන බව දනිමි සසර බැඳි විසල් ප්‍රේමයක අග කොහේ දෝ සොයමි එකින් එක බැඳි පුරුක් ලෙහමින් ටිකෙන් ටික නිවෙමි ඉන්න තැනකට කුසල් පුරණට නිති පමා නොවෙමි එ පින් බලයෙන් සසර කෙළවර හිමියනේ නුඹ දුක් නිමා කරනූ නිසල අරණේ පාලු හවසක නුඹ වෙන්ව ගිය වග දනිමි හදේ නැගෙනා හීන් රිදුමක සිරවෙලා නිති මා දවන බව දනිමි හදේ සෙනෙහින් නිදන්ව ඇති මතක පොදි මැද මා ඉතින් තනි වේවී සසර බැඳි විසල් ප්‍රේමයක අග කොහේ දෝ සොයමි ✍️  චාන්දි .    මේ පැදි ...

මලක මෙලෙක පෙති අතරේ සැඟවුණු රහසක් සීත පිණි මත ලියැවුණු සුන්දර ප්‍රේම කතාවක් නලියමින් දෑස් මත විසිරුණු විසල් ආදරයක් කෙසේ පවසම්ද හදේ උතුරා යන සෙනෙහසක් 💕💕💕 ✍️චාන්දි.  

 සඳරේනු හැලිලා මිහිමත කරන ඉඟි බිඟි සෙනෙහෙ දිය වාන් දමම්න් කරන කසු කුසු අසා සිටිනා සියතුනේ ගයන් ප්‍රේමයේ ගී තනු අසන් මා හිමි ආදරෙන් මා හට වයන වීනා තත් සරනු කිමිද නාමි ප්‍රේම දියේ නැහැවී තබා උර මත හිස හොවා සැනහී සැනහෙමි ඔබේ පපුතුරේ සැඟවී නිවෙමි සැනහෙමි එහි තුලම කිමිදී

කලා වැවේ දිය මතුපිට  නැගෙන රිදී බුබුලු දිහා බලා  අවුකන බුදු පිළිම වහන්සේ  කදුළු හෙලයි නිසල නෙතින් වනය දිහා බැලුම් හෙලා සංතාප හදවතින් එකින් එක කැපෙනා වනස් පතිය දිය සිදී යන වැව් දියවර දෙස බලා බුදු පිළි රුව නිහඬ මුවින් සංතාප හදින්  බලා හිදී සසල නෙතින් දිනෙන් දින අහිමි වෙන සිසිලස සිදී බිදී යන මහා ජලාධාරාව අහිමි වී යන සත්ව ප්‍රජාව බලා හිඳ බුදු මුවින් සැලෙයි අනියත දහම් බිඳක් මනුසතා උදෙසාම චාන්දි.

ඩේවිඩ් ලිවිංස්ටන් මහතා ගේ පිළිරුව.  අපි සියල්ලෝම බස් රථයකින් යලිත් ගම්මානයක් බලා පිටත් වුනෙමු. අපිට අපේ ජාතික ගෝත්‍රික  නැටුම් බලාගැනීමට හැකි වේවි යැයි මගේ ගුරුතුමිය පවසා සිටි හෙයින් අපි ඉතා සතුටින් සිටියෙමු . ගම්මානයේ මැද මිදුලේ අප යනවිටත් ඔවුන් ඒ සංදර්ශනය සඳහා ලක ලෑස්ති වී සිටියහ . වෙස්මුහුණු හා වර්ණවත් පාටින් ඔවුන්ගේ මුහුණු වර්ණවත් වී තිබුණි . ඉතා වර්ණවත් ඇදුම් ආයිත්තම්වලින් සැරසී සිටි ඔවුන් අපේ පැමිණීමෙන් සතුටු වූ බව අපි දුටුවෙමු . හූ හඬින් තොල් වලට ගසමින් වූඋ....හූඋ... ශබ්දයන් නිකුත් කරමින් ඔවුන්ගේ නැටුම් ආරම්භ විය. වටේ කැරකෙමින් තාලයට බඳ හා පස්සා පැත්ත  ලෙලවමින් ඔවුන් නැටුම් ඉදිරිපත් කලේ අප සැම කුල්මත් කරමිනි. විශේෂයෙන්ම මලීෂා ඇතුළු ඇගේ පවුලේ අය මේ සංදර්ශනය දෙස අමන්දානන්දයෙන් යුතුව බලා සිටිනු දක්නට ලැබුණි . පැයක කාලයක් අපි නැටුම් බලමින් සතුටු වූ අතරම අපිද නැටුවෙමු. නැටුම් සඳහා ඇයද අප හා ලැජ්ජාවෙන් යුතුව එක් විය. අපි ඇයව වට කර ගෙන නැටුවෙමු . ඒ මිහිරි රාත්‍රිය තවමත් මගේ මතක අතර තැන්පත් ව ඇත්තේ කිසිදා නොමැකෙන ලෙසිනි . අපි නවාතැන් පලට පැමිනෙන විට රෑ...